Edhe kryetari i Qendrës Rajonale të KMDLNJ-së në Mitrovicë, Halit Barani ka komentuar rreth vrasjes së Oliver Ivanoviqit, politikanit serbë në Mitrovicë. Ai thotë se vrasja e tij është qërim hesapesh mes grupeve kriminale.

Barani thotë më tutje se Oliver Ivanoviq ka qenë vrasësi i 49 shqiptarëve, për të cilat ka edhe dëshmitarë.

“Sa i përket vrasjes së kryekriminelit Oliver Ivanoviqit, i cili është pjesëmarrës i disa masakrave në Mitrovicë e gjetiu, vrasja është qërim hesapesh mes grupeve kriminele. Oliveri ka qenë vrasës i 49 shqiptarëve për çka në KMDLNJ, Qendra Rajonale ka të delonuara shumë deklarata të dëshmitarëve okular, ndër ta ka edhe dëshmitarë serbë”, thotë Barani për “Bota sot”.

“Oliveri ka qenë cak i bandave kriminele serbe edhe në tri raste me herët, sa i përket trazirave mendoj se nuk do të ketë ngase nuk ka arsye pasi familja dhe shokët i dinë vrasësit poashtu edhe shokët kriminelë të tij i njohin vrasësit dhe e din arsyen e vrasjes”, thotë Barani.